Рим, 5 мај 2020 (МИА) – Тимските тренинзи во Италија ќе започнат за две недели, но сè уште не е познато кога ќе се продолжи фудбалскиот шампионат на земјата, изјави за „Раи“ министерот за спорт, Винченцо Спадафорa. - По 18 мај, владата дозволува продолжување на тимските активности, кажа Спадафорa. Тој не сакаше да прецизира точен датум за евентуално обновување на првенството во Серија А. Индивидуалните тренинзи во земјава започнуваат оваа недела. -Навистина се надевам дека првенството ќе започне повторно. Ако не биде, тоа ќе биде нереално и покрај сите случувања. Обновувањето мора да биде во повеќе од безбедно опкружување, додаде министерот. Првенството во Италија беше суспендирано на неодредено време во март, поради пандемијата на коронавирус. зс/