Ембид стана деветтиот играч во историјата на НБА кој постигнал 70+ поени на еден натпревар
- Центарот на Филаделфија, Џоел Ембид постигна 70 поени ноќеска на натпреварот од регуларниот дел од НБА лигата против Сан Антонио (133:123).
![Ембид стана деветтиот играч во историјата на НБА кој постигнал 70+ поени на еден натпревар](https://new.mia.mk/index.php/images/20240123090205_big_730x400_34.webp )
Филаделфија, 23 јануари 2024 (МИА) - Центарот на Филаделфија, Џоел Ембид постигна 70 поени ноќеска на натпреварот од регуларниот дел од НБА лигата против Сан Антонио (133:123).
Дваесет и деветгодишниот Камерунец стана деветти играч во историјата на НБА со 70+ поени по натпревар. Рекордот му припаѓа на Вилт Чембрлен, кој постигнал 100 поени на еден натпревар во сезоната 1961/62.
Ембид оваа сезона одигра 32 натпревари, со просек од 36,1 поени и 11,5 скока.
Филаделфија се наоѓа на 3. место во Источната конференција на НБА-лигата со 29 победи и 13 порази. зс/
Фото: ЕПА