Охрид, 13 април 2024 (МИА) – Полициски службеници од Одделението за недозволена трговија при СВР – Охрид, вчера попладнето привеле лице од Охрид, осомничено дека е дилер на наркотични средства.

Според полициското сооштение, вчера во 18:30 часот на булеварот „Железничка“ во Охрид, бил приведен и лишен од слобода К.М.(24) од Охрид. Тој, управувајќи патничко возило „Ренџ ровер“ без регистарски таблички, на магистралниот пат Охрид-Кичево, во близина на селото Подмолје, не застанал на даден знак за запирање, туку избегал со возилото.

Во врска со случајот, а поради постоење основано сомнение дека лицето извршило кривично дело по чл.215 од Кривичниот законик, полициските службеници извршија преглед на подрачјето на Подмолје до месноста „Распаќе“, при што на различни места пронашле ќеси со зелена растителна материја, како и опаковки со остатоци од бела прашкаста материја.

По целосно документирање на настанот, против приведениот ќе биде поднесена соодветна пријава. аб/мд/

фото/МИА