Uashington, 23 gusht 2024 (MIA) - Shtetet e Bashkuara të Amerikës planifikojnë të dërgojnë 125 milionë dollarë ndihmë ushtarake në Ukrainë, në kushtet e luftës së saj të vazhdueshme me Rusinë.

Sipas burimeve në administratën e presidentit Xho Bajden, pakoja e ndihmës përfshin sisteme të ndryshme të mbrojtjes, duke përfshirë raketa për mbrojtje ajrore, municione për sistemet HIMARS, raketa kundër autoblindave, teknologji për anti-dronë dhe raketa "Xhavelin".

Burimi i cili në një deklaratë për AP kërkoi të mos përmendet emri për shkak se pakoja e ndihmës ende nuk është publikuar zyrtarisht, deklaroi se kjo ndihmë do të përdorë autoritetin presidencial për të marrë armë nga rezervat e Pentagonit, transmeton Njusvik. Publikimi zyrtar ka të ngjarë të ndodhë më vonë këtë javë, duke pasur parasysh atë që nesër Ukraina feston Ditën e pavarësisë.

Kjo ndihmë është pjesë e mbështetjes së SHBA-së ndaj Ukrainës e cila nga fillimi i invazionit rus në shkurt të vitit 2022 ka tejkaluar 55.7 miliardë dollarë. rq/

Foto: arkivi