Ekspertët e ANEB -it nuk mund ta vërtetojnë shkakun e zjarrit në centralin bërthamor të Zaporozhjes
- Agjencia Ndërkombëtarë e Energjisë Bërthamore (ANEB) mbrëmë njoftoi se përfaqësuesit e saj kanë kryer inspektimin në kullën e dëmtuar të centralit bërthamor ukrainas Zaporozhje, por nuk mund të përcaktojnë menjëherë shkakun e zjarrit i cili shpërtheu më 11 gusht.
- Post By Qefsere Abduli
- 10:44, 13 gusht, 2024
![Ekspertët e ANEB -it nuk mund ta vërtetojnë shkakun e zjarrit në centralin bërthamor të Zaporozhjes](https://new.mia.mk/images/20240813101431_big_730x400_74.webp )
Vjenë, 13 gusht 2024 (MIA) - Agjencia Ndërkombëtarë e Energjisë Bërthamore (ANEB) mbrëmë njoftoi se përfaqësuesit e saj kanë kryer inspektimin në kullën e dëmtuar të centralit bërthamor ukrainas Zaporozhje, por nuk mund të përcaktojnë menjëherë shkakun e zjarrit i cili shpërtheu më 11 gusht.
Moska dhe Kievi kanë akuzuar njëra-tjetrën për shkaktimin e zjarrit në centralin e madh bërthamor joaktiv në Ukrainë, me çka Rusia fajësoi për sulm me dron, ndërsa Ukraina deklaroi se ndoshta bëhet fjalë për neglizhencë ose zjarrvënie.
Ekipi i ANEB-it nuk gjeti asnjë provë të menjëhershme të mbetjeve të dronëve dhe arriti në përfundimin se burimi kryesor i zjarrit ka të ngjarë të mos ishte në bazën e kullës ftohëse.
As Moska dhe as Kievi nuk raportuan shenja të rritjes së rrezatimit.
ANEB njoftoi se dëmi ka të ngjarë të jetë përqendruar në kullë në nivelin e shpërndarjes së ujit, në një lartësi prej rreth 10 metrash.
Rusia pushtoi centralin bërthamor të Zaporozhjes menjëherë pas pushtimit të Ukrainës në vitin 2022. qa/
Foto: arkivi i MIA-s