Është duke u shuar zjarri tek Vërtena skalla, rajonin e Pehçevës, përfshihen edhe helikopterë të ARM-së
- Pehçeva sot është mbuluar nga tymi, pas zjarrit që shpërtheu sërish mbi qytet dje rreth mesditës. Në zjarrin është djegur automjeti i vetëm kundër zjarreve në pronësi të Shoqatës vullnetare të zjarrfikësve “Pehçevë”, ndërsa pjesëtarët e kësaj shoqate kanë pësuar djegie të lehta, pasi janë nxjerrë dhe shpëtuar nga punëtorët e filialit të NP "Pyjet kombëtare" nga Pehçeva.
- Post By Qefsere Abduli
- 14:10, 12 gusht, 2024
![Është duke u shuar zjarri tek Vërtena skalla, rajonin e Pehçevës, përfshihen edhe helikopterë të ARM-së](https://new.mia.mk/images/20240812132921_big_730x400_6.webp )
Pehçevë, 12 gusht 2024 (MIA) - Pehçeva sot është mbuluar nga tymi, pas zjarrit që shpërtheu sërish mbi qytet dje rreth mesditës. Në zjarrin është djegur automjeti i vetëm kundër zjarreve në pronësi të Shoqatës vullnetare të zjarrfikësve “Pehçevë”, ndërsa pjesëtarët e kësaj shoqate kanë pësuar djegie të lehta, pasi janë nxjerrë dhe shpëtuar nga punëtorët e filialit të NP "Pyjet kombëtare" nga Pehçeva.
Nga mëngjesi i sotëm zjarri është shuar nga toka dhe nga ajri me helikopter të ARM-së, ndërsa në terren pranë SHVZ-së “Pehçevë” është një ekuipazh i madh me njerëz nga Pehçeva dhe rrethina.
Helikopterët që marrin pjesë në shuarjen e zjarrit nxjerrin ujë nga pishina e improvizuar në stadiumin e qytetit.
Kryetari i Komunës së Pehçevës, Aleksandar Kitanski apeloi edhe më tej se kush ka mundësi, t'i bashkohet ekipit në sheshin e qytetit. Ndërkohë në stendën e hapur dërgohen produkte dhe ujë për pjesëmarrësit në shuarjen e zjarrit.
Aktualisht, NJTZ Berovë së bashku me Policinë pyjore, përfaqësues nga NP "Pyjet kombëtare" nga Berova dhe Pehçeva, si dhe pjesëtarë të NJTZ Kavadar, bashkërisht janë duke e shuar zjarrin mbi Pehçevë në vendin e quajtur Vërtena skala. qa/
Foto: arkivi i MIA-s