Хрватот Петровиќ нов тренер на Пезаро
- Хрватскиот кошаркарски стратег Александар Петровиќ е назначен за нов тренер на италијанскиот прволигаш Викторија Либертас Пезаро, наследувајќи го на клупата својот сонародник Јасмин Репеша
![Хрватот Петровиќ нов тренер на Пезаро](https://new.mia.mk/index.php/images/20221107232919_big_730x400_12.webp )
Пезаро, 17 јули 2021 (МИА) - Хрватскиот кошаркарски стратег Александар Петровиќ е назначен за нов тренер на италијанскиот прволигаш Викторија Либертас Пезаро, наследувајќи го на клупата својот сонародник Јасмин Репеша.
Петровиќ, кој е актуелен селектор на Бразил, не е ново лице во екипата на Пезаро, за која под поранешното име Скаволини настапуваше во сезоната 1987/88. кога клубот ја освои својата прва шампионска титула во италијанското првенство.
- Потребни ми беа 15 секунди да ја прифатам понудата. Освен победи, нашата екипа мора да понуди и добри игри и емоции кај публиката, изјави Петровиќ, кој претходно овој месец беше на чекор да обезбеди настап на Олимпијадата во Токио со репрезентацијата на Бразил, но загуби од Германија во финалниот натпревар на квалификациите во Сплит. ег/ми/