Фонсека на чекор од потпис со Милан
- Пауло Фонсека постигна вербален договор за договорите со Милан и наводно е блиску до тоа да стане наследник на Стефано Пиоли на кормилото на „росонерите“. Милан долго време бара нов тренер подготвен да го замени Пиоли по пет години на чело на клубот.
![Фонсека на чекор од потпис со Милан](https://new.mia.mk/index.php/images/20240522172456_big_730x400_27.webp )
Милано, 22 мај 2024 (МИА) - Пауло Фонсека постигна вербален договор за договорите со Милан и наводно е блиску до тоа да стане наследник на Стефано Пиоли на кормилото на „росонерите“. Милан долго време бара нов тренер подготвен да го замени Пиоли по пет години на чело на клубот.
Иако го обезбедија второто место во Серија „А“, неуспехот во групната фаза на Лигата на шампионите, и елиминацијата во четвртфиналето на Лига Европа, надополнето со огромната негатива од локалниот ривал Интер, се покажа фрустрирачки и за навивачите и за сопствениците.
Милан размислува за долга листа на тренери, вклучувајќи ги Хулен Лопетеги, Серхио Консеиао и Марк ван Бомел, но Фонсека брзо станува водечки кандидат. Португалскиот тренер импресионираше во Лил, а неговото искуство во Рома, исто така, се покажало како клучен фактор.
Како што објави Даниеле Лонго од „Калчомеркато“, Фонсека е подготвен да потпише тригодишен договор со Милан вреден околу 3 милиони евра нето по сезона и сега е на само еден чекор од тоа да стане следниот главен тренер на клубот.
Пред тоа, „росонерите“ мора да ја прекинат соработката со Пиоли, чиј агент Валерио Џуфрида утринава пристигна во седиштето на клубот. дс
Фото: Архива