Суарез би можел да се пресели во Астон вила
- Уругвајскиот фудбалски репрезентативец, и член на Атлетико, Луис Суарез може да го напушти клубот од Мадрид. Ова го објави шпанскиот новинар Жерар Ромеро на Твитер.
![Суарез би можел да се пресели во Астон вила](https://new.mia.mk/index.php/images/20221112031522_big_730x400_69.webp )
Мадрид, 19 јануари 2022 (МИА) - Уругвајскиот фудбалски репрезентативец, и член на Атлетико, Луис Суарез може да го напушти клубот од Мадрид. Ова го објави шпанскиот новинар Жерар Ромеро на Твитер.
Како што е наведено, тој има понуди од клубови од Јужна Америка и Саудиска Арабија. Сепак, 34-годишниот напаѓач сака да продолжи да игра во Европа, па како една од погодните опции ја гледа Астон вила која е предводена од тренерот Стивен Џерард.
Суарез со Џерард заедно играа за Ливерпул. Уругваецот верува дека и покрај неговата возраст е способен да игра во толку силно првенство како што е Премиер лигата.
Во тековната сезона Суарез одигра 25 настапи за Атлетико во сите натпреварувања, постигнувајќи осум голови и една асистенција. зс/