Роберт Ф. Кенеди Помладиот го предизвикува Бајден за претседателска номинација
- Демократот Роберт Ф. Кенеди Помладиот вчера поднесе изјава за кандидатура до американската Федерална изборна комисија и на тој начин го предизвика актуелниот претседател Џо Бајден за номинација во Демократската партија
![Роберт Ф. Кенеди Помладиот го предизвикува Бајден за претседателска номинација](https://new.mia.mk/index.php/images/20230406104947_big_730x400_76.webp )
Вашингтон, 6 април 2023 (МИА) - Демократот Роберт Ф. Кенеди Помладиот вчера поднесе изјава за кандидатура до американската Федерална изборна комисија и на тој начин го предизвика актуелниот претседател Џо Бајден за номинација во Демократската партија.
Кенеди Помладиот (69) е внук на поранешниот американски претседател Џон Ф. Кенеди и син на неговиот убиен брат Роберт Ф. Кенеди.
Кенеди помладиот претходно беше автор на бестселери и адвокат за животна средина, но изминатите 15 години е еден од најпознатите противници на имунизацијата, тврдејќи оти вакцините не се безбедни.
Кенеди долго време беше вклучен во движењето против вакцините, но неговата активност беше интензивирана за време на пандемијата и развојот на вакцините против коронавирусот. ми/
фото: Фејсбук на Кенеди Помладиот