Параглајдинг сезоната отворена, странските туристи се враќаат во Крушево
- Сезоната на параглајдинг натпревари започна. Во моментов се одржува Nordic Open и во градот се присутни десетици параглајдеристи, информираат од Општина Крушево.
![Параглајдинг сезоната отворена, странските туристи се враќаат во Крушево](https://new.mia.mk/index.php/images/20221113170018_big_730x400_49.webp )
Скопје, 29 јуни 2022 (МИА) - Сезоната на параглајдинг натпревари започна. Во моментов се одржува Nordic Open и во градот се присутни десетици параглајдеристи, информираат од Општина Крушево.
- Сезоната е официјално отворена. Параглајдеристи рекреативци доаѓаат уште од мај месец во Крушево, но, еве, и официјално започнуваат натпреварите. Во текот на летото нè очекуваат „Крушево озон опен“, пред Светското првенство во змајарство и други меѓународни натпревари, изјави градоначалникот на општина Крушево, Томе Христоски.
Од Општина Крушево велат дека изминатите години интензивно се работеше на изградба на модерно и безбедно полетувалиште со исполнување на барањата на организаторите на натпреварите, а во моментов се гради објект на самото полетувалиште.
- Догодина нè очекува Светското првенство во змајарство и можеме да кажеме дека инфраструктурно сме подготвени, додаде градоначалникот на Општина Крушево. ар/дма/
![paraglajding 2](/articles/images/%d0%bf%d0%b0%d1%80%d0%b0%d0%b3%d0%bb%d0%b0%d1%98%d0%b4%d0%b8%d0%bd%d0%/h7CCvy33U/placeholder.webp?use_watermark=0)