Норис ја освои пол-позицијата за ГН на Русија
- Возачот на Мекларен, Ландо Норис оствари најдобар резултат во квалификациите за трката од Формула 1 шампионатот за Големата награда на Русија. Тој со време 1:41.993 минута се избори за пол-по
![Норис ја освои пол-позицијата за ГН на Русија](https://new.mia.mk/index.php/images/20221108171414_big_730x400_59.webp )
Сочи, 25 септември 2021 (МИА) – Возачот на Мекларен, Ландо Норис оствари најдобар резултат во квалификациите за трката од Формула 1 шампионатот за Големата награда на Русија. Тој со време 1:41.993 минута се избори за пол-позицијата.
Второто место го зазеде Карлос Сајнц од Ферари со 0,517 секунди послабо време од Норис.
Од вториот ред ќе тргнат Џорџ Расел од Вилијамс (+0,990 секунди) и возачот на Мерцедес, Луис Хамилтон имаше и едно излетување од патеката со болидот по што удри во ограда и го оштети задниот браник.
Во првите десет најдобри во квалификациите се најдоа и: Даниел Рикардо, Фернандо Алонсо, Валтери Ботас, Ленс Строл, Серхио Перез и Естебан Окон.
Главната трка за руското Гран при ќе се одржи во Сочи утре со почеток во 14 часот. зс/
![](/articles/images/%d0%bd%d0%be%d1%80%d0%b8%d1%81-%d1%98%d0%b0-%d0%be%d1%81%d0%b2%d0%be%d/v7eH3butn/placeholder.webp?use_watermark=0)