Наз Рид прогласен за најдобриот шести играч во НБА
- Рид сезонава имаше просек од 13,5 поени и 5,2 скока на 81 натпревар. Тој играше на 67 натпревари од клупата, заменувајќи ги Руди Гобер и Карл Ентони Таунс
![Наз Рид прогласен за најдобриот шести играч во НБА](https://new.mia.mk/index.php/images/20240425113642_big_730x400_3.webp )
Минесота, 25 април 2024 (МИА) - Кошаркарот на Минесота, Наз Рид е прогласен за најдобар шести играч во НБА, објавено е денеска на официјалната веб-страница на натпреварувањето.
Рид сезонава имаше просек од 13,5 поени и 5,2 скока на 81 натпревар. Тој играше на 67 натпревари од клупата, заменувајќи ги Руди Гобер и Карл Ентони Таунс.
Во соопштението на НБА беше наведено дека Рид добил 352 гласа, додека второто место го освои кошаркарот на Сакраменто Малик Монк со 342. Третопласиран беше кошаркарот на Милвоки Боби Портис, кој освои 81 глас, додека играчот на ЛА Клиперс, Норман Пол, заврши на четвртата позиција со 65. дс
Фото: Принтскрин