14 јануари 2025

Охрид - Архиепископот на Македонската православна црква ОА, неговото блаженство господин господин Стефан ќе раководи со чинот на осветувањето на водите на Охридското Езеро за големиот христијански празник Богојавление.

Архиепископот Стефан ќе го положи Светиот крст во езерото кај Градското пристаниште во Охрид, пред традиционално голем број верници и оние што ќе влезат во студените езерски води.

Скопје - Екипите на Јавното претпријатие „Комунална хигиена“ - Скопје изминатото деноноќие во три смени рачно и машински го чистеле снегот и мразот на булеварите и поголемите улици во сите скопски општини и во пешачките зони во централното градско
подрачје.

Како што информира  „Комунална хигиена“ - Скопје, во скопската општина Чаир биле спроведени и вонредни активности за отстранување неколку диви депонии лоцирани на улиците „Џон Кенеди“, до ООУ „Васил Главинов“, „Славеј Планина“ - во непосредна близина на скопското Теќе и булеварот „Крсте Мисирков“ – зад ТЦ „Мавровка“.

Скопје  - Поради дефект на приклучна цевка на ул. „Македонска Косовска Бригада“ (кај бензинска Окта), денеска со прекинато водоснабдување ќе бидат корисниците улиците 19, 21, 23 и 25 .

Водоснабдувањето, како што соопшти ЈП Водовод и канализација - Скопје, ќе биде прекинато од 10:40 часот до завршување на работните активности.

Скопје - Поради уличен дефект од ф 100мм на ул. „Боривое Милошевски“ 45, денеска прекинато водоснабдување ќе имаат корисниците од улиците „Боривоје Милошевски“, „Димче Милошевски“, „Зендел Џемаил“ и дел од „Перо Наков“. 

Водоснабдувањето, како што информира ЈП Водовод и канализација - Скопје, ќе биде прекинато од 10:10 часот до завршување на работните активности.

Скопје - Сообраќајот на државните патишта се одвива во зимски услови по влажни коловози со остатоци од кашест снег на коловозот по интервенцијата на дежурните екипи на ЈП Македонија пат. Врнежи од снег со слаб интензитет се бележат во Кичево, на Пресека и Буково, информира АМСМ

Забрана за движење на тешки товарни возила има на патните правци Гостивар – Маврово – Дебар, Гостивар – Стража – Кичево, Струмица - Берово, на Пресека, Ѓавато и Плетвар и на патот Тетово – Попова Шапка.

Скопје - Поради снегот и појавата на голомразица, од 11 јануари до вчера, скопската Итна медицинска помош имала вкупно 254 интервенции.

Доктор Рихад Реџепи, шеф на смена во скопската Итна медицинска помош, за МИА изјави дека во овие 254 интервенции имало и сообраќајки, повредени граѓани кои паднале лизнувајќи се по мразот, лица во алкохолизирана состојба кои се здобиле со повреди, но и некои кои завршиле со повреда во тепачка. 

Вевчани - Со традиционалното василичарско оро и палење на маските во дворот на Мултикултурниот центар во Вевчани, попладнево ќе заврши годинашното издание на Вевчански карневал.

Палењето на маските симболизира бркање на злото, а вевчанци веруваат дека прочистени ќе ја дочекаат Новата година, според Јулијанскиот календар. Претходно зетот, невестата, ѓаволите и глупавите Августи заедно со останатите маскирани, ќе ги посетат семејствата, чии членови го носат името посветено на Свети Василиј.

Скопје - Без електрична енергија утре ќе биде дел од општина Ѓорче Петров, информираа денеска од Регионалниот центар за управување со кризи - Скопје.

Корисниците од  улицата „Црногорска“ бр.55, 57, 59, 16 во Ѓорче Петров, без струја ќе бидат утре во периодот од 9.00 до 15.00 часот.

Скопје - Поради дефект на приклучна цевка од ф 1“ на улица „Самоилова“ 117, денеска со прекинато водоснабдување ќе бидат корисниците од улиците „Јоаким Крчовски“, „Самоилова“ и „Банатска“.

ЈП Водовод и канализација - Скопје информира дека водоснабдувањето ќе биде прекинато од 10:00 часот до завршување на работните активности.