Леклер не се задоволува со 2-3 победи во 2024 година
- Возачот на Ферари, Шарл Леклер, изјави дека нема да се согласи да освои неколку етапи во Формула 1 во новата сезона. Целите на Леклер се поамбициозни од само 2-3 победи во 2024 година.
![Леклер не се задоволува со 2-3 победи во 2024 година](https://new.mia.mk/index.php/images/20240215122510_big_730x400_18.webp )
Маранело, 15 февруари 2024 (МИА) - Возачот на Ферари, Шарл Леклер, изјави дека нема да се согласи да освои неколку етапи во Формула 1 во новата сезона. Целите на Леклер се поамбициозни од само 2-3 победи во 2024 година.
Минатата година Моначанецот не освои ниту една победа.
- Не, тоа не е доволно. Сакам да победувам што почесто и на крајот на годината ќе направиме биланс. По првата трка ќе може да се разбере колку сме конкурентни. Сè уште е многу тешко да се процени каде ќе завршиме на првото Гран При, а тоа е исто така еден од факторите. Сепак, не се стремам кон две или три победи, туку сакам да победам што повеќе трки, изјави Леклер.
Тој објасни како успехот на Макс Верстапен и Ред Бул влијае врз него.
- Ако зборуваме за мотивација, отсекогаш сум бил исклучително мотивиран. Неверојатно сум гладен за победи. Немав освоено гран при во 2023 година и едвај чекам да се вратам на највисокото скалило на подиумот, особено со Ферари. Колку и да беше разочарувачка сезоната 2023 - не се боревме за позициите за кои сакавме да се бориме - мислам дека тимот одговори многу добро од првата трка. Вториот дел од годината беше особено добар, тимот доби на интензитет, донесовме правилни одлуки и многу брзо се приближувавме до Ред Бул. Секако, целиме да ја започнеме сезоната посилно од пред една година. Потоа, со сличен напредок, ќе може брзо да се изврши притисок врз Ред Бул, потенцира Леклер.
Првата трка од новата сезона во Формула 1 шампионатот ќе се одржи на 2 март во Бахреин. зс/
Фото: ЕПА