Крис Пол ќе пропушти три недели по операцијата
- Кошаркарот на Голден Стејт вориорс, Крис Пол, успешно е опериран поради фрактура на левата рака, објави клупската прес-служба.
![Крис Пол ќе пропушти три недели по операцијата](https://new.mia.mk/index.php/images/20240110083326_big_730x400_63.webp )
Сан Франциско, 10 јануари 2024 (МИА) – Кошаркарот на Голден Стејт вориорс, Крис Пол, успешно е опериран поради фрактура на левата рака, објави клупската прес-служба.
Играчот се повреди во третата четвртина од натпреварот од регуларниот дел од НБА лигата против Детроит.
За три недели, на 38-годишниот Американец ќе му биде извршен втор лекарски преглед, по што ќе се знае точното време за закрепнување.
Оваа сезона, Пол настапи на 32 натпревари, со просек од 8,9 поени и 7,2 асистенции. зс/
Фото: ЕПА