Голем пожар на Кипар, евакуирани населени места, побарана помош од Јордан, Израел, Грција и ЕУ
- Голем пожар избувна во близина на градот Пафос во западниот дел на Кипар, нанесувајќи штета на домови и превентивно беа евакуирани неколку населени места, а и покрај интервенциите од копно и воздух, огнените јазици засега се вон контрола, јави дописничката на МИА од Атина.
![Голем пожар на Кипар, евакуирани населени места, побарана помош од Јордан, Израел, Грција и ЕУ](https://new.mia.mk/index.php/images/20240611164714_big_730x400_40.webp )
Никозија, 11 јуни 2024 (МИА) – Голем пожар избувна во близина на градот Пафос во западниот дел на Кипар, нанесувајќи штета на домови и превентивно беа евакуирани неколку населени места, а и покрај интервенциите од копно и воздух, огнените јазици засега се вон контрола, јави дописничката на МИА од Атина.
Пожарот е во непрооден дел, гори сува трева, ниска вегетација и дрвја, а според портпаролот на противпожарната служба на Кипар Андреас Кетис, земјата побарала помош со воздушни средства од Јордан, Израел, Грција и механизмот за цивилна заштита на Европската Унија.
Од Министерството за климатски кризи и цивилна заштита на Грција соопштија дека испраќаат за Кипар два канадери.ср/сд/