Скопје, 25 ноември 2024 (МИА) - Без вода за пиење ќе останат делови од општините Центар и Карпош во текот на утрешниот ден, информираат попладнево од Регионалниот центар за управување со кризи - Скопје.

Според информација од Јавното претпријатие „Водовод и канализација“, поради изведување водоводен приклучок на улицата „Салвадор Аљенде“, од девет часот па сѐ до завршување на работата, без вода ќе останат дел корисници од улицата „Тодор Александров“, како и објектите на француската, англиската резиденција и ИЗИИС во општина Центар.

Додека во општина Карпош, поради дефект на приклучна цевка на булеварот „Илинден“, исто од девет часот, па сѐ до отстранување на дефектот, без вода ќе останат корисниците лоцирани на потегот од улицата „Љубљанска“ до улицата „Никола Парапунов“. бд/са/

Фото: МИА архива