Македонска Каменица, 26 ноември 2024 (МИА) - Градоначалникот на Македонска Каменица, Димчо Атанасовски денеска организираше прием за талентираните ученици добитници на стипендии според постигнатите успеси во учебната 2023/24 година. 

-Во текот на средбата, на младите талентирани ученици, најпрвин им упатив искрени честитки за нивните одлични успеси. Притоа, изразувајќи лично задоволство од импресивните резулатати на регионално и национално ниво, истакнав дека јас како градоначалник и Општина Македонска Каменица, ќе продолжиме да бидеме постојана поддршка за остварување на нови успеси и за успешна реализација на сите идни проекти на младите, истакна Атанасовски.

Списокот со наградените ученици од основното и средното образование според Правилникот за доделување на стипендии за талентирани ученици, утврдени од Комисијата за разгледување на пријави за стипендии како што додаде е објавен на општинската веб страница.

-Талентираните ученици при ООУ „Св Кирил и Методиј“ и СОУ „Миле Јаневски Џингар“ во Македонска Каменица имаат право на користење на стипендите со месечен износ од 3000 денари во траење од 10 месеци, додаде Атанасовски.

Општина Македонска Каменица како што додаде ќе продолжи да инвестира во подобрување на условите во образованието и во развојот на младите таленти, со цел создавање на подобра иднина за сите ученици и млади. вс/дма/

Фото: Општина Македонска Каменица