Uashington, 16 prill 2026 (MIA) - Presidenti amerikan, Donald Tramp, sot paralajmëroi se raundi i ri i negociatave me Iranin mund të zhvillohet gjatë kësaj fundjave dhe tha se nuk është i sigurt nëse ishte e nevojshme të vazhdojë armëpushimi me këtë vend.

Duke iu përgjigjur një pyetjeje nga gazetarët jashtë Shtëpisë së Bardhë, Tramp tha se SHBA-ja po përballet "shumë mirë" me Iranin dhe se nuk është i sigurt nëse është e nevojshme të vazhdojë armëpushimi, por shtoi se do ta bënte këtë "nëse e sheh të arsyeshme".

"Ne kemi një marrëdhënie shumë të mirë me Iranin tani", tha Tramp.

Ai tha se Irani është i interesuar të arrijë një marrëveshje dhe theksoi se "është i gatshëm të bëjë gjëra sot që nuk ishte i gatshëm t'i bënte dy muaj më parë".

Kur u pyet se çfarë do të ndodhte nëse SHBA-ja dhe Irani nuk arrijnë një marrëveshje të qëndrueshme, Tramp tha se sulmet ushtarake do të intensifikohen përsëri, raporton CNN.

"Nëse nuk ka marrëveshje, konfliktet vazhdojnë", tha ai. mb/

Foto: MIA