Romë, 1 tetor 2024 (MIA) - Kryeministrja italiane Xhorxha Meloni tha sot se vendi i saj mbetet i përkushtuar për bashkëpunim me aleatët për stabilizimin e situatës në kufirin ndërmjet Izraelit dhe Libanit, njoftoi agjencia italiane e lajmeve ANSA. Ajo theksoi se deeskalimi i situatës në rajon është i domosdoshëm dhe urgjent. 

"Italia do të vazhdojë të punojë me aleatët për të stabilizuar kufirin midis Izraelit dhe Libanit  që personat e zhvendosur të mund të kthehen në shtëpi. Deeskalimi në nivel rajonal është i domosdoshëm dhe urgjent dhe Italia do të marrë pjesë në proces si kryesuese e G-7", tha Meloni. 

 Kryeministrja italiane tregoi se po e ndjek nga afër situatën dramatike në Liban dhe është në kontakt të vazhdueshëm me ministrat e punëve të jashtme dhe të mbrojtjes.

 "Mbrojtja e civilëve mbetet prioritet, si dhe garantimi i sigurisë së ushtarëve të kontingjentit italian UNIFIL të vendosur në jug të Libanit", theksoi Meloni.

 Ministri italian i Mbrojtjes Guido Kroseto dje deklaroi se ushtarët italianë në Liban janë në pozicione të sigurta dhe janë strehuar në bunkerë si masë paraprake.

 Foto: EPA