Borell e dënoi sulmin e kolonëve izraelitë në fshatin palestinez, kërcënoi me sanksione nga BE
- Përfaqësuesi i lartë i BE-së për politikë të jashtme dhe siguri, Zhozep Borell sot e dënoi sulmin e kolonëve izraelitë në fshatin palestinez Xhit në Bregun Perëndimor dhe paralajmëroi se planifikon të propozojë sanksione të BE-së kundër atyre që i mundësojnë veprimet e kolonëve të dhunshëm, duke përfshirë disa anëtarë të qeverisë izraelite.
![Borell e dënoi sulmin e kolonëve izraelitë në fshatin palestinez, kërcënoi me sanksione nga BE](https://new.mia.mk/images/20240816151746_big_730x400_25.webp )
Bruksel, 16 gusht 2024 (MIA) - Përfaqësuesi i lartë i BE-së për politikë të jashtme dhe siguri, Zhozep Borell sot e dënoi sulmin e kolonëve izraelitë në fshatin palestinez Xhit në Bregun Perëndimor dhe paralajmëroi se planifikon të propozojë sanksione të BE-së kundër atyre që i mundësojnë veprimet e kolonëve të dhunshëm, duke përfshirë disa anëtarë të qeverisë izraelite.
“Ne dënojmë sulmet e kolonëve në Xht, të cilat synojnë të terrorizojnë civilët palestinezë”, postoi Borell në rrjetin social X.
Ai shtoi se "ditë pas dite, pothuajse pa u ndëshkuar plotësisht, kolonët izraelitë nxisin dhunën në Bregun Perëndimor të pushtuar, duke kontribuar në rrezikimin e çdo mundësie për paqe". ls/
Foto: Arkivi i MIA-s