Rio de Zhaneiro, 31 mars 2026 (MIA) - Trajneri i reprezentacionit të futbollit të Brazilit, Karlo Ançeloti beson se ekipi duhet të përmirësohet në mbrojtje.

"Padyshim që duhet të përmirësohemi. Kemi ide të qartë se çfarë duam të bëjmë në Kupën e Botës. Duhet të qëndrojmë të qetë, sepse i gjithë stafi i trajnerëve dhe Konfederata braziliane e futbollit janë të bindur se jemi në rrugën e duhur dhe në vendin e duhur. Mendoj se kemi bërë një punë të mirë deri më tani. Jemi në një fazë të mirë të këtij udhëtimi. Do të jemi gati për ndeshjet më të rëndësishme të Kupës së Botës", tha Ançeloti. 

Që Brazili të fitojë Kupën e Botës na duhet talent - dhe e kemi - dhe duhet të mbrohemi mirë. Nuk ka rrugë tjetër. Nuk jam i bindur se vetëm loja sulmuese është e mjaftueshme, tha trajneri italian në konferencën për shtyp.

Në Kupën e Botës 2026, Brazili do të luajë në Grupin C kundër Marokut, Haitit dhe Skocisë.

Foto: EPA