Xheda, 13 janar 2025 (MIA) - Trajneri i Real Madridit, Karlo Ançeloti është prononcuar për humbjen në finalen e Superkupës spanjolle nga Barcelona (2:5).

"Duhet të përballemi me të vërtetën. Jemi mbrojtur keq, kundërshtari shënonte gola lehtë. Jemi prezantuar keq edhe si ekip edhe si individë. Kjo na shqetëson. Ndeshja ishte e keqe nga minuti i parë deri në të fundit. Edhe kur kishim një futbollist më shumë nuk kemi mundur të krijojmë asgjë. Ishte e rëndësishme të mbrohemi mirë në këtë ndeshje, ndërsa ne, përkundrazi, nuk ishim mirë në mbrojtje. Barcelona meritoi të fitojë, ishte më e mirë se ne", deklaroi Ançeloti për "As".

Barcelona për të 15-tën herë e fitoi Superkupën. Klubi katalanas është rekorder në këtë garë.

Real Madrid ka mbetur me 13-të trofe. mb/

Foto: EPA