Xheda, 11 janar 2025 (MIA) - Trajneri i Barcelonës, Hansi Flik ka thënë se në finalen e nesërme kundër Real Madridit për Superkupën e Spanjës, skuadra e tij do të prezantohet më mirë se në gjysmëfinale kundër Atletik Bilbaos dhe se të njëjtën lojë do ta dëshmojnë që nga fitorja 4-0 ndaj rivalit të madh të “Santiago Bernabeut" në fillim të sezonit.

"Real Madridi është ndër skuadrat më të mira në botë. Duhet të luajmë më shpejt dhe më mirë se ndaj Atletik Bilbaos, sepse po flasim për Real Madridin i cili di shumë mirë se si të përballet në ndeshje të tilla dhe mund ta shfrytëzojë çdo situatë. Këto janë ndeshje speciale dhe ne duhet të jemi gati.

Si trajner, thotë ai, ka luajtur në shumë finale, ndërsa ekipi është i përgatitur mirë.

"Superkupa është një ndeshje e madhe dhe nëse e fitojmë, do të kemi më shumë vetëbesim deri në fund të fushatës. Fitorja e kësaj ndeshje do të jetë një punë shumë e madhe për të gjithë ne", shton Flik.

Foto: arkivi