Xheda, 11 janar 2025 (MIA) - Të dielën në orën 20, Barcelona dhe Real Madridi do të luajnë në finalen e Superkupës, ndërsa Karlo Ançeloti një ditë para ndeshjes mori lajm të mirë.

Siç transmeton gazeta e njohur “AS”, eksperti italian do të mund të llogarisë te Xhud Belingemi, Federiko Valverde dhe Aureliano Çuameni të cilët janë të lënduar lehtë.

Të tre janë lojtarë të rëndësishëm për Real Madridin në pozicionet e tyre, ndërsa duhet shtuar se Belingemi ishte lojtari i ndeshjes në gjysmëfinalen kundër Majorkës.

Përveç kësaj, Ançeloti do të ketë në dispozicion edhe Luka Modriqin i cili është rikuperuar dhe është gati të ndihmojë skuadrën e tij.

Kujtojmë se Real Madridi të dielën ndjek trofeun e tretë të sezonit, ndërsa Barcelona është në kërkim të trofeut të parë. Në fillim të këtij sezoni, Mbretërit fituan Superkupën e UEFA-s dhe Kupën ndërkontinentale të FIFA-s.

Foto: arkivi