Ѓорчев: Фијаско на власта со справување на КОВИД-19 пандемијата
- Македонија е земјата која што има најмалку вакцини во светот, а истовремено имаме најмногу мртви, и тоа 3.000 по глава на жител буквално во светот.
![Ѓорчев: Фијаско на власта со справување на КОВИД-19 пандемијата](https://new.mia.mk/index.php/images/20221105203524_big_730x400_52.webp )
Скопје, 14 февруари 2021
Македонија е земјата која што има најмалку вакцини во светот, а истовремено имаме најмногу мртви, и тоа 3.000 по глава на жител буквално во светот.
Македонија овие денови ќе дојде до една ужасна бројка која што навистина е страшна, а тоа е 3.000 починати. Никој на светот нема повеќе мртви од Македонија по глава на жител. Зошто? Затоа што во Македонија се смета во статистиките со 2.1 милион жители, а реалната бројка е 1.7, 1.8 милиони жители.
Ако реално се пресмета бројот на починати лица во Македонија уште еднаш се доаѓа до поразителната бројка, а тоа е дека со 3.000 мртви за време на корона кризата. Македонија на Зоран Заев и Венко Филипче е земјата со најмногу мртви по жител на светот.
Тоа е поразна статистика, тоа се илјадници и илјадници семејства во Македонија, тоа се 3.000 луѓе кои што починале, тоа се 3.000 погреби.
Истовремено оваа Македонија на Зоран Заев и Венко Филипче е земјата која што има најмалку вакцини во светот. Ќе ви прочитам неколку земји кои што веќе почнаа со вакцинацијата.
Пред една недела Авганистан доби 500.000 вакцини од „АстраЗенека“, стотици илјади луѓе се вакцинирани во Пакистан, 27.000 здравствени работници само во една провинција а тоа е провинцијата Синд. Вакцинацијата почна во Боливија, во Алжир, во Гвинеја која што е земја во Западниот дел на Африка, во Непал, во Индија, во Бангладеш веќе имаме вакцина и вакцинација која што е веќе 20-тина дена.
Процесот на имунизација на населението почна во Албанија пред еден месец, премиерот Рама беше првиот кој што се вакцинираше, Црна Гора, Босна и Херцеговина.
За жал, Македонија е буквално најлоша во светот кога станува збор за вакцини и имунизација на населението. А, Македонија е и истовремено земја со најмногу починати по жител на целиот свет.
Тоа кажува дека имаме дебакл, фијаско на власта. Тоа кажува дека имаме огромна негрижа за здравјето на населението. И тоа кажува едноставно дека нема никаков систем, дека имаме дебакл и фијаско, а за тоа одговорност мора да има.
Зоран Заев и Венко Филипче мора да поднесат оставка, тие имаат одговорност за тоа што буквално ги оставија на милост и немилост граѓаните во оваа најголема криза изминативе неколку децении.
Ѓорчев: Србија успешно вакцинира 30.000 луѓе дневно, а Заев моли за хуманитарна помош и милостина
Истовремено би сакал да упатам и да имам еден коментар кој што се донесува на денешното примопредавање на вакцините на граничниот премин Табановце. А, тоа е следниот:
Со Зоран Заев и Венко Филипче, Македонија е осудена да живее и да зависи од хуманитарна помош и милостина од Србија.
Србија дневно, секој ден вакцинира 30.000 луѓе. Вчера во Врање, само во Врање се вакцинирани една илјада луѓе во еден ден. А, досега на ниво на Врање имаме околу 8.000 вакцинирани.
Така што, тоа зборува за размерите на фијаското кое што ни се случува, а само пред 7-8 години Србија беше земјата која што учеше инвестиции, и економија од Македонија.
Македонија целосно потфрли. Македонија има најмалку вакцинирани на светот, а има најмногу починати од корона вирусот. Никој нема повеќе мртви, никој нема повеќе погреби и починати од Македонија. Станува збор за дебакл и фијаско на власта.
Владимир Ѓорчев, секретар за меѓународна соработка на ВМРО-ДПМНЕ
__________________________________________________________________
МИА овие текстови ги објавува во интегрална и оригинална форма и не е одговорна за нивната содржина ниту за евентуалните правописни недоследности или печатни грешки.
https://www.youtube.com/watch?v=7yDju_UOqFQ&feature=youtu.be