Честитка за новата година од Единствена горанска партија
- Честитка по повод Новата 2024 година до македонско-горанската заедница, до сите Македонци каде и да се во светот, до сите граѓани во Косово и пошироко, упати Единствена горанска партија.
![Честитка за новата година од Единствена горанска партија](https://new.mia.mk/index.php/images/20240101124258_big_730x400_76.webp )
Тирана, 1 јануари 2024 (МИА) - Честитка по повод Новата 2024 година до македонско-горанската заедница, до сите Македонци каде и да се во светот, до сите граѓани во Косово и пошироко, упати Единствена горанска партија.
- Од мое лично име и во име на партијата Единствена горанска партија упатувам честитки за Нова 2024 година, со желба за многу лични успеси и бериќетна година. Како и секогаш, Нова година носи радост во нашите домови, да ги поминеме празничните денови со радост и хармонија, да зачекориме во новата со мир во душата и мир во светот, со добра мисла, хармонија и благосостојба. Среќна и бериќетна 2024, стои во честитката потпишана од претседателот Адем Хоџа.
Во трите последни состави на косовскиот парламент Хоџа е пратеник од оваа партија.
Дел од областа Гора се наоѓа во крајниот југозападен дел на Косово и има 19 населени места распослани на јужниот дел на северозападната падина на Шар Планина. Областа е населена со Македонци, познати како Горани, со мајчин македонски јазик.вт/свс/
Фото: Принтскрин