Лондон, 25 јули 2024 (МИА) – Раководството на премиерлигашот Челзи ја одреди цената за откуп на нивниот фудбалер Ромелу Лукаку.

Наполи е во преговори со Челзи за можен трансфер на Белгиецот,  пренесува новинарот Џанлука Ди Марцио. Италијанскиот клуб понуди 25 милиони евра за играчот, но Британците бараат 35 милиони евра.

Во исто време, Наполи веќе се договори за личните услови со 31-годишниот напаѓач. Со тригодишниот договор, Лукаку ќе заработува шест милиони евра годишно доколку направи трансфер. Самиот фудбалер е подготвен да ја смени клупската средина.

Лукаку се врати во Челзи во 2021 година. Минатата сезона напаѓачот играше за Рома како позајмен фудбалер. За римскиот клуб одигра 47 натпревари во сите натпреварувања, постигнувајќи 21 гол и четири асистенции. зс/

Фото: ЕПА