Хакинен: Во Мерцедес треба да решат многу проблеми ако сакаат да бидат конкурентни на Ред Бул и Ферари
- Двократниот шампион во Формула 1, Мика Хакинен ги сподели своите размислувања за конфронтацијата помеѓу Ред Бул и Ферари на Големата награда на Саудиска Арабија, и за шансите на Мерцедес да с
![Хакинен: Во Мерцедес треба да решат многу проблеми ако сакаат да бидат конкурентни на Ред Бул и Ферари](https://new.mia.mk/index.php/images/20221112161821_big_730x400_39.webp )
Лондон, 30 март 2022 (МИА) - Двократниот шампион во Формула 1, Мика Хакинен ги сподели своите размислувања за конфронтацијата помеѓу Ред Бул и Ферари на Големата награда на Саудиска Арабија, и за шансите на Мерцедес да се натпреварува со нив.
- По две трки, гледаме дека дојде до промена на моќта во Формула 1. На сцената во Бахреин сфативме колку силно изгледа Шарл Леклер и колку одлично го поддржува неговиот тимски партнер Карлос Саинц. Но, сега кога Ред Бул се чини дека го решија проблемот со горивото, тие се исто толку конкурентни. Мерцедес имаат неколку проблеми кои треба да се решат ако сакаат да стигнат до Ред Бул и Ферари. И тие треба да го направат тоа прилично брзо, бидејќи исто така ќе се развиваат и нивните ривали, напиша Хакинен во својата колумна за „Unibet“.
По две трки од сезоната 2022 во Формула 1, возачот на Ферари, Леклер го зазема првото место во поединечниот пласман (45 поени), неговиот тимски колега Саинц е на втората позиција (33 поени). Првата тројка ја затвора пилотот на Ред Бул, Макс Верстапен (25 поени).
Следната етапа во Ф-1 шампионатот е Големата награда на Австралија од 8 до 10 април во Мелбурн. зс/