Филмот за Бигорскиот манастир „1000 години сведок на светлината“ со три номинации на фестивалот „Byzanfest“
- Јубилејниот филм за Бигорскиот манастир „1000 години сведок на светлината“ е со три номинации во три категории на православниот фестивал за филмска уметност „Byzanfest“.
![Филмот за Бигорскиот манастир „1000 години сведок на светлината“ со три номинации на фестивалот „Byzanfest“](https://new.mia.mk/index.php/images/20221113235437_big_730x400_82.webp )
Дебар, 5 октомври 2022 (МИА) - Јубилејниот филм за Бигорскиот манастир „1000 години сведок на светлината“ е со три номинации во три категории на православниот фестивал за филмска уметност „Byzanfest“.
- Со особена радост ја примивме веста дека во рамките на православниот фестивал за филмска уметност „Byzanfest“, јубилејниот филм за Бигорскиот манастир „1000 години сведок на светлината“ беше номиниран во три категории: најдобар документарен филм, најдобар кинематографер и најдобар режисер, изјави сестра Ефимија за МИА.
Додаде дека за првпат во македонската кинематографија независен филмски проект бележи ваков меѓународен успех.
Интересно е и тоа што режисерот на овој документарен филм, Илија Ико Каров, е номиниран во една од главните номинации „најдобар режисер“, заедно со режисерите од програмата на играните филмови.
Инаку, според програмата на „Byzanfest 2022“, кој ќе трае од 27 октомври до 6 ноември во Мелбурн, Австралија, проекцијата на филмот „1000 години сведок на светлината“ е предвидена за 4 ноември. вт/рп/