Уапсена поранешната премиерка на Перу, Чавес
- Полицијата на Перу ја уапси поранешната премиерка Бетси Чавес поради наводна вмешаност во заговор против државата и приклучување кон поранешниот претседател Педро Кастиљо во „државниот удар“
![Уапсена поранешната премиерка на Перу, Чавес](https://new.mia.mk/index.php/images/20230621085909_big_730x400_15.webp )
Лима, 21 јуни 2023 (МИА) – Полицијата на Перу ја уапси поранешната премиерка Бетси Чавес поради наводна вмешаност во заговор против државата и приклучување кон поранешниот претседател Педро Кастиљо во „државниот удар“.
Чавес е во домашен притвор во јужниот град Такна повеќе од шест месеци откако Кастиљо е уапсен и затворен под обвинение за бунт. Таа негираше дека го прекршила законот.
Покрај Чавез под истрага за наводен заговор за бунт се и други поранешни министри од 17-месечната влада на Кастиљо. Обвинувањата произлегоа од најавата на Кастиљо минатиот декември дека ќе го распушти Конгресот и ќе владее со декрет, но беше соборен од перуанската опозиција во Конгресот, а потоа и уапсен од полицијата.
И Кастиљо останува во притвор и се соочува со тригодишна затворска казна.
Смената на Кастиљо предизвика повеќемесечни насилни протести во кои загинаа повеќе од 60 луѓе, главно од домородните групи.
Актуелната влада предводена од претседателката Дина Буларте негираше дека ја злоупотребила својата позиција за време на протестите, додавајќи дека ќе соработува со истражните органи.
Кривичниот совет на Врховниот суд на Перу издаде налог за Чавез, објави судот на Твитер, додека обвинителите побараа 18 месеци превентивен притвор. ми/
фото: Твитер