Топлотните бранови во Франција веројатно предизвикаа 2.816 смртни случаи
- Најпогодени беа постарите лица, со 2.272 од 2.816 смртни случаи за време на топлотните бранови
![Топлотните бранови во Франција веројатно предизвикаа 2.816 смртни случаи](https://new.mia.mk/index.php/images/20221128065739_big_730x400_81.webp )
Париз, 22 ноември 2022 (МИА) - Три последователни топлотни бранови и Ковид-19 најверојатно предизвикале повеќе од 10.000 дополнителни смртни случаи во Франција во текот на ова лето, соопшти Министерството за здравство.
Вкупно 10.420 смртни случаи се регистрирани помеѓу 1 јуни и 15 септември во второто најжешко лето во Франција од 1900 година, покажаа податоците од Министерството.
Од нив, 2.816 се случија за време на три „епизоди“ на тревога за топлотен бран, од 14 до 22 јуни, од 9 до 27 јули и од 29 јули до 14 август.
Најпогодени беа постарите лица, со 2.272 од 2.816 смртни случаи за време на топлотните бранови. Станува збор за луѓе на возраст од 75 или повеќе години.
За време на тие топлотни бранови, регистрирани се 894 смртни случаи поврзани и со Ковид-19 во болниците и медицинските установи. бд/зш/