Тодески две сезони во Бутел, се надева дека ќе напредува под раководство на Кузманоски
- Младиот Теодор Тодески во следните две сезони ќе ги брани боите на Бутел Скопје.
![Тодески две сезони во Бутел, се надева дека ќе напредува под раководство на Кузманоски](https://new.mia.mk/index.php/images/20240611144057_big_730x400_7.webp )
Скопје, 11 јуни 2024 (МИА) - Младиот Теодор Тодески во следните две сезони ќе ги брани боите на Бутел Скопје.
Левиот бек потекнува од составот на Прилеп, играше за Металург, а потоа беше член и на Алкалоид и Мулти Есенс.
Иако имаше многу опции за продолжување на кариерата, сепак прилепчанецот реши да го одбере скопскиот клуб.
-Се одлучив да потпишам за Бутел, иако имав понуда од повеќе клубови бидејќи таму ја гледам шансата за напредок на мојата игра. Се надевам дека под водство на тренерот Горан Кузманоски ќе одам ниво погоре јас, како и клубот и заедно ќе се радуваме на нови успеси, изјави Тодески, цитиран од сајтот на ракометниот клуб. дс
Фото: РК Бутел