Тим од 40 лица од ДЗС на терен во турскиот град Адијаман
- Првиот тим за спасување составен од 40 лица при Дирекцијата за заштита и спасување од синоќа се на терен во градот Адијаман, Турција и веднаш се приклучени во операциите за пребарување и спасување.
![Тим од 40 лица од ДЗС на терен во турскиот град Адијаман](https://new.mia.mk/index.php/images/20230209130059_big_730x400_58.webp )
Скопје, 9 февруари 2023 (МИА) - Првиот тим за спасување составен од 40 лица од Дирекцијата за заштита и спасување од синоќа се на терен во градот Адијаман, Турција и веднаш се приклучени во операциите за пребарување и спасување.
Како што соопштија од ДЗС, истовремено се прават процени за потребите на терен и да се подготви за пристигнување вториот тим кој е во близина.
- Тимовите навреме и брзо се одвоија во помали тимови и се упатија на различни места за спасување во градот Адијаман, се наведува во соопштението. цр/бак/