Тајани: Експлозијата во болницата во Газа не била предизвикана од израелска ракета, бројот на загинати е помал
- Тајани не соопшти на кои докази ги базира своите тврдења.
![Тајани: Експлозијата во болницата во Газа не била предизвикана од израелска ракета, бројот на загинати е помал](https://new.mia.mk/index.php/images/20231024141449_big_730x400_3.webp )
Рим, 24 октомври 2023 (МИА) - Италијанскиот министер за надворешни работи Антонио Тајани денеска изјави дека експлозијата во болницата во градот Газа минатата недела не била предизвикана од ракета истрелана од Израел, а го доведе во прашање и бројот на загинати што го пријавија палестинските власти.
„Мораме да го избегнеме негативното влијание на пропагандата, бидејќи таа ракета за која се вели дека предизвикала 500 смртни случаи, во реалноста имало околу 50 луѓе, не е лансирана од Израел“, изјави Тајани за телевизијата Скај ТГ24.
Министерството за здравство на Газа соопшти дека бројот на загинати во болницата е 471.
Тајани не соопшти на кои докази ги базира своите тврдења. ссм/
фото: архива