Реакција на СДСМ на прес-конференцијата на Владимир Ѓорчев од ВМРО-ДПМНЕ
- Како што ќе наближува изборниот ден така ќе се засилуваат објавувањата на конструкции и измислици од белиот дворец, во обид да најдат алиби за убедливиот пораз што ги очекува ВМРО-ДПМНЕ и Хри
![Реакција на СДСМ на прес-конференцијата на Владимир Ѓорчев од ВМРО-ДПМНЕ](https://new.mia.mk/index.php/images/20221108200209_big_730x400_78.webp )
12 октомври 2021
Како што ќе наближува изборниот ден така ќе се засилуваат објавувањата на конструкции и измислици од белиот дворец, во обид да најдат алиби за убедливиот пораз што ги очекува ВМРО-ДПМНЕ и Христијан Мицкоски на 17 октомври.
Откако СДСМ ја предводи владата и институциите сите изборни процеси се фер, демократски, слободни и тоа е оценето и од ОБСЕ/ОДИХР и од сите домашни и меѓународни релевантни организации.
Поткупот, уцените, заканите, гласачи од Пустец, исклучување на лифтови, обид за кражба на доверлив изборен материјал беа одлика на владеењето на ВМРО-ДПМНЕ.
Така ВМРО-ДПМНЕ спроведуваше избори за што можеше целата јавност да чуе и преку објавените разговори и тоа граѓаните не го забораваат.
Затоа, на фер и демократски избори, на 17 октомври по седми пат ќе ја поразат деструкцијата на ВМРО-ДПМНЕ и Мицкоски и ќе им порачаат дека нема да се вратат назад во мрачното минато, туку продолжуваат напред со СДСМ и Најдоброто.
Со почит,
Центар за комуникации со јавноста на СДСМ
___________________________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.