Скопје, 24 февруари 2025

Сарана Адеми, која е шеф на кабинетот во партијата на замeник премиерот Изет Мехити, ДЕМОКРАТСКO ДВИЖЕЊЕ, е именувана за член на комисијата за музичка и музичко-сценска дејност.

Ова создава сериозни сомнежи за транспарентноста и интегритетот на распределбата на фондовите за културни проекти во Министерството за Култура и Туризам.

Овој факт само ја засилува убеденоста дека процесот не бил базиран на меритократија, туку на партиска и клиентелистичка припадност.

Имајќи ги предвид сите овие прекршувања на професионалните стандарди и правичната репрезентација, упатуваме повик до Државната комисија за спречување на корупцијата да започне целосна истрага за можните прекршувања на законот и конфликт на интереси од страна на Сарана Адеми. Како официјален претставник на политичка партија, нејзиното вклучување во комисија која треба да биде професионална и неутрална е во спротивност со принципите на праведен и меритократски процес. Транспарентноста и отчетноста се неопходни за да се осигурува дека јавните фондови се распределуваат на чесен начин и во служба на културата, а не на тесни партиски интереси.

Истовремено, упатуваме повик до Министерот за Култура и Туризам да ја разреши споменатата членка и да ги преиспита именувањата на другите членови!

ДУИ

______________________________________________________________________________________ 

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки

фото МИА архива