Лондон, 24 мај 2024 (МИА) - Бразилскиот репрезентативец Лукас Пакета се соочува со потенцијален крај на кариерата откако вчера беше официјално обвинет од Фудбалската асоцијација на Англија за прекршување на правилата за обложување.

Причината за ова е потенцијалната казна од десетгодишна забрана од фудбалот што би можел да ја носи играчот од средниот ред. Вчера тој беше обвинет за четири различни обвиненија за местење натпревари во Премиер лигата, добивање картони за да влијае на пазарот на обложување во корист на еден или повеќе поединци. Истрагата за Пакета започна уште во септември минатата година по извештаите за сомнителни облози во врска со жолтиот картон на играчот од средниот ред на Вест Хем во првото коло од веќе завршената сезона 2023/24.

Обвиненијата на Фудбалскиот сојуз на крајот беа четири, а причината за нив во секој случај беа натпревари во кои постојат сомневања дека Пакета намерно заработил официјални опомени, со што влијаел на обложувачкиот пазар. Весникот „АС“ денеска излезе со информација дека местото на Лукас Пакета во репрезентацијата за Копа Америка е под сериозно прашање по обвинувањата. „Кариоките“ покажаа дека немаат намера да прават компромиси во вакви случаи уште на почетокот на изминатата кампања, кога Антони од Манчестер Јунајтед беше суспендиран по истрагите против него за семејно насилство.

И самиот Пакета вчера многу остро реагираше на самите обвинувања, велејќи дека е многу изненаден и разочаран од ситуацијата. Минатото лето Бразилецот беше доста упорно поврзуван за трансфер во Манчестер Сити, но во сегашната ситуација тешко дека „граѓаните“ ќе го обноват интересот. дс

Фото: Архива