Османи: Интеграцијата на Западниот Балкан во ЕУ е најрационално и најлогично сценарио
- Целосната интеграција на сите земји од регионот на Западен Балкан во ЕУ е најрационалното и најлогичното сценарио, што ќе биде во функција на создавање на Унија која ќе егзистира обединета, п
![Османи: Интеграцијата на Западниот Балкан во ЕУ е најрационално и најлогично сценарио](https://new.mia.mk/index.php/images/20221108212033_big_730x400_12.webp )
Скопје, 28 октомври 2021 (МИА) - Целосната интеграција на сите земји од регионот на Западен Балкан во ЕУ е најрационалното и најлогичното сценарио, што ќе биде во функција на создавање на Унија која ќе егзистира обединета, просперитетна и во мир, истакна денеска министерот за надворешни работи, Бујар Османи во обраќањето на меѓународната научна конференција на тема „Балканот меѓу европската интеграција и регионалната соработка“.
Во обраќањето на конференцијата, организирана од Институтот за духовно и културно наследство на Албанците, Османи се осврна на процесите на евроинтеграција и регионална соработка, оценувајќи ги како наша стратешка определба и избор за иднината.
- Западен Балкан или како што повеќе сакам да го именувам, Југоисточна Европа не е изолиран остров, туку се наоѓа во срцето на Европа. Сите наши врски, сите наши патишта се вкрстуваат со ЕУ. Процесот на евроинтеграција и процесот на регионална соработка се комплементарни и водат кон истата цел, членство во ЕУ на овој регион, истакна министерот Османи.
Како што соопшти Министерството за надворешни работи, на настанот, покрај шефот на дипломатија, се обратија и многубројни претставници на академската фела од земјата и странство. сп/
![Бујар Османи Конференција 2](/articles/images/%d0%be%d1%81%d0%bc%d0%b0%d0%bd%d0%b8-%d0%b8%d0%bd%d1%82%d0%b5%d0%b3%d1/QPii1KuyL/placeholder.webp?use_watermark=0)
![Бујар Османи Конференција 3](/articles/images/%d0%be%d1%81%d0%bc%d0%b0%d0%bd%d0%b8-%d0%b8%d0%bd%d1%82%d0%b5%d0%b3%d1/ClcJb3NS0/placeholder.webp?use_watermark=0)