Општина Куманово не отстапува од условите за избор на превозници
- Општина Куманово преку соопштение денеска ја информираше јавноста за постапката за избор на превозници за градскиот линиски превоз. Според соопштението, општината нема да отстапи од барањата
![Општина Куманово не отстапува од условите за избор на превозници](https://new.mia.mk/index.php/images/20221112151108_big_730x400_50.webp )
Куманово, 17 март 2022 (МИА) - Општина Куманово преку соопштение денеска ја информираше јавноста за постапката за избор на превозници за градскиот линиски превоз. Според соопштението, општината нема да отстапи од барањата за исполнување на екостандарди на автобусите, детален возен ред. Општината ги повика родителите да пријават во секторите за образование и инспекција, доколку некои од училиштата не организирале превоз за учениците и најави дека ќе ги субвенционира трошоците на родителите за овој период за превоз на учениците.
За утрешниот протест на превозниците општината вели дека тоа е уставно загарантирано право, но дека нема да отстапи од условите.
Во соопштението општината потсетува дека договорите на превозниците важеле од 2016 до 31 декември 2021 година. Во ноември, лани Советот донел одлука на барање на граѓаните да бидат воведени нови линии, за што бил распишан оглас. Меѓу критериумите е изведувачите да имаат еколошки возила Еуро 4 стандарди, да имаат чести и поаѓања и враќања на избраната линија од вкупно 26-те на подрачјето на Куманово.
- Формирана е седумчлена комисија во рамки на Општина Куманово за спроведување на јавниот оглас и целата постапка, јавното отворање на понудите е спроведено во присуство на компаниите понудувачи и тоа: ДСТУ „ЈОЦО – ТУРС“ МС ДОО Куманово“, ДППТ „ШТУЗ“ – ПАТНИЧКИ ДООЕЛ Куманово, ДПТТУ „ДЕЛУКС ТУРС“ ДОО Куманово, ДППУ „ДАРО КОМПАНИ“ ДООЕЛ Куманово, ДППТУ „ОЛИ – ТРАВЕЛ“ ДООЕЛ Куманово, ДТУТУ „АЛЕКС ТУРС ДООЕЛ“ и ДППТУ „Н&М – ТРАВЕЛ“ ДООЕЛ Куманово, а понудувачите доставија понуди за вкупно 21 линија од вкупно 26 линии, наведува општината.
Оттаму додаваат дека е извршена евалуација и избрани се понудувачи за 19 линии, за две, понудувачите не доставиле комплетна документација, за пет немало ниту една понуда. Тројца понудувачи за четири линии доставиле жалби до второстепена комисија, која ги уважиа и ја вратила постапката на повторно разгледување и утврдување на фактичката состојба. Од општината потсетуваат дека издадени се лиценци и решенија за 15 линии кои се на сила и треба да ги почитуваат и возниот ред и стандардите на возилата со кои вршат превоз. И на повторениот оглас за петте лини не се јавил ниту еден понудувач.
![](/articles/images/%d0%ba%d1%83%d0%bc%d0%b0%d0%bd%d0%be%d0%b2%d0%be-%d1%9c%d0%b5-%d0%be%d/C7Pzvkn2r/placeholder.webp?use_watermark=0)
![](/articles/images/%d1%81%d0%be%d0%b2%d0%b5%d1%82%d0%bd%d0%b8%d1%86%d0%b8%d1%82%d0%b5-%d0/ThIAu8vOC/placeholder.webp?use_watermark=0)