Велес,13 ноември 2024 (МИА) - Општина Велес на свеченост денеска ги награди 76 најдобрите ученици од основните и 30 ученици од средните училишта во градот, за освоено прво, второ и трето место на државни и меѓународни натпревари во учебната 2023/2024 година. Воедно награди и 40 нивни наставници-ментори во основното и 18 наставници ментори во средното образование.

Наградите им ги врачи градоначалникот Марко Колев кој појасни дека Општината одлучила да ги награди овие ученици со цел да ги мотивира и охрабри да продолжат по истиот пат, по патот на успехот.

- Им честитам на сите наградени ученици и на нивните ментори за вложениот труд и за постигнатите резултати, истакна Колев. 

Ииницијативата да се наградат учениците кои постигнале успеси и надвор од воспитно – образовниот процес и школските активности е на градоначалникот Марко Колев, а со тенденција да стане традиција и своевиден поттик за учење, творење и постигнување резултати.

Наградите беа врачени денеска, во чест на одбележувањето на 80 годишнината од ослободувањето на Велес, 9 ноември.ад/са/

Фото: Општина Велес