Најмалку 20 луѓе загинаа при терористички напад во Сомалија
- Најмалку 20 луѓе загинаа при синоќешниот напад на терористичката група Ал Шабаб во сомалиската провинција Хиран
![Најмалку 20 луѓе загинаа при терористички напад во Сомалија](https://new.mia.mk/index.php/images/20221113212548_big_730x400_11.webp )
Могадишу, 3 септември 2022 (МИА) - Најмалку 20 луѓе загинаа при синоќешниот напад на терористичката група Ал Шабаб во сомалиската провинција Хиран.
Припадниците на Ал Шабаб нападнале конвој од четири камиони и три патнички минибуса, што биле придружувани од сомалиските власти и мировните сили на Африканска Унија што патувал кон главниот град на Хиран, Беледуеин.
Сомалиската армија соопшти дека Ал Шабаб во изминатите 48 часа ги интензивирала нападите врз цивили во Хиран и во соседната провинција Галгадуд.
Под контрола на Ал Шабаб е голема територија во централна и јужна Сомалија. Новиот сомалиски претседател Хасан Шеик Мохамуд вети голема операција за задушување на 15-годишниот бунт. ми/