Митева: Новиот тендер од 3 милиони евра од Пановска на Пановски е уште еден доказ за недовербата во здравствениот систем
- Договорите за набавка кои ги склучува веледрогеријата Д-р. Пановски, каде сопственик е таткото на Ирина Пановска Ставридис, инаку директор на Клиниката за хематологија од истата таа клиника се пракса која раѓа недоверба во целокупниот здравствен систем. Новиот тендер од 3 милиони евра е уште еден доказ за тоа.
![Митева: Новиот тендер од 3 милиони евра од Пановска на Пановски е уште еден доказ за недовербата во здравствениот систем](https://new.mia.mk/index.php/images/20230926122056_big_730x400_14.webp )
26 септември 2023
Почитувани,
Договорите за набавка кои ги склучува веледрогеријата Д-р. Пановски, каде сопственик е таткото на Ирина Пановска Ставридис, инаку директор на Клиниката за хематологија од истата таа клиника се пракса која раѓа недоверба во целокупниот здравствен систем. Новиот тендер од 3 милиони евра е уште еден доказ за тоа.
Јавноста чека одговори за тоа како и зошто во Македонија има само еден овластен добавувач на потребните лекови, дали тоа не е монополизација на процесот? Дали доделување на тендери од еден член на фамилијата кој раководи со институцијата на друг член од фамилијата кој е понудувач не се отвара можност за злоупотреба или попречување на процесот на еднаквост? Дали една дадена изјава за изземање од процедурите е доволен показател дека не станува збор за судир на интереси?
ЈЗУ УК за хематологија наместо да поставува прашања до политичка партија, би било добро да и одговори на јавноста колку тендери добила веледрогеријата Д-р. Пановски само изминативе години додека неговата ќерка раководи со клиниката, колку тендери се добиени од Министерството за здравство во истиот тој период и уште поважно колку е вредноста на тие тендери?
Прес конференција на Марија Митева, портпарол и член на ИК на ВМРО-ДПМНЕ
________________________________________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.
Фото: ВМРО-ДПМНЕ