Меѓународна полициска акција во БиХ
- Во Босна и Херцеговина во тек е меѓународната полициска акција при што се уапсени повеќе лица, меѓу кои и високи полициски службеници, поврзани со наркокартелот „Тито и Дино“
![Меѓународна полициска акција во БиХ](https://new.mia.mk/index.php/images/20240422132903_big_730x400_55.webp )
Сараево, 22 април 2024 (МИА) – Во Босна и Херцеговина во тек е меѓународната полициска акција при што се уапсени повеќе лица, меѓу кои и високи полициски службеници, поврзани со наркокартелот „Тито и Дино“.
Во соопштението од Обвинителството на БиХ се наведува дека апсења и претреси се вршат на десетици локации, на подрачјето на Сараево, Зеница и Мостар, а цел на акцијата се неколку осомничени физички и правни лица.
Меѓународна поддршка за акцијата обезбедија американските ФБИ, ДЕА и Европол.
Осомничени се повеќе од 15 лица кои се поврзани со организиран криминал, нелегална трговија со наркотици, перење пари и други слични кривични дела.