Кузеска: Пецаков доделил пари на ракометен клуб во кој е основач
- На повидок е нов скандал во општините под капата на ДПМНЕ. Градоначалникот на Охрид, Кирил Пецаков, доделил пари на ракометен клуб во кој самиот тој е основач.
![Кузеска: Пецаков доделил пари на ракометен клуб во кој е основач](https://new.mia.mk/index.php/images/20240117133901_big_730x400_77.webp )
17 јануари 2024
На повидок е нов скандал во општините под капата на ДПМНЕ.
Градоначалникот на Охрид, Кирил Пецаков, доделил пари на ракометен клуб во кој самиот тој е основач.
Над 250 илјади евра се исплатени на ГРК Охрид од општина Охрид како директна поддршка.
Овие суми ги потврдува и Службениот гласник на општина Охрид број 14 од 28.12.2023 година.
Сопственик на ГРК Охрид АД Охрид е РК Охрид 2013 каде основач на ракометниот клуб е токму градоначалникот Кирил Пецаков.
Значи Пецаков преку општината индиректно си префрла пари на самиот себе си!?
Директор на ГРК Охрид е Славчо Ристески, десна рака на градоначалникот Пецаков, воедно вработен во ЈП Охридски комуналец.
Дали е ова случај на судир на интереси треба да утврди Државната комисија за спречување корупција.
Надлежно обинителство пак треба да утврди дали е прекршен кривичниот законик бидејќи градоначалникот доделил средства на клуб којшто е токму тој основач.
Сите аспекти треба да се утврдат затоа што постои основано сомневање дека на ваков начин може да се испумпуваат пари на граѓаните и потоа да се злоупотребуваат.
Нема општина во државата која е водена од ДПМНЕ а за која нема скандал поврзан со финансиите, јавните набавки и парите на граѓаните.
Ништо не е сменето во ДПМНЕ.
Прес-конференција на Богданка Кузеска, портпаролка на СДСМ
__________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.
Фото: СДСМ