Вилнус, 10 август 2024 (МИА) - Министерството за одбрана на Литванија ќе и обезбеди на Украина нов пакет воена помош, кој меѓу другото вооружување ќе вклучува и системи за противвоздушна одбрана со краток дострел.

„Помогнавме, помагаме и ќе продолжиме да и помагаме на Украина во борбата против агресорот. Наскоро Литванија ќе и ги предаде на Украина многу потребните системи за противвоздушна одбрана со краток дострел како придонес на коалицијата предводена од Германија, САД и Франција да ја зајакне нејзината воздушна одбрана и противракетна одбрана, од која Литванија е дел. Исто така, ќе испорачаме повеќе опрема, системи и оружје потребни секојдневно на бојното поле. Нашата помош е инвестиција во нашата сопствена безбедност“, рече литванскиот министер за одбрана Лауринас Касчунас.

Се очекува помошта да пристигне во Украина пред крајот на овој месец.

Покрај оваа модерна опрема, Литванија ќе обезбеди и постаро оружје од своите армиски залихи, вклучително и 14 оклопни транспортери М113, системи за противвоздушна одбрана со краток дострел, системи за заглушување беспилотни летала и единечни заглушувачи, транспортни возила, 20-тонски телескопски натоварувачи, резервни делови, мобилни натоварувачи, пиштоли, муниција, димна муниција, додатоци за оружје и резервни делови. паг/

Фото: БТА