Зеленски: Русија се обидува да ги протера луѓето од Харков и од регионот
- Украинскиот претседател Володимир Зеленски, обраќајќи им се на Украинците, истакна дека Руската Федерација преку напади се обидува да ги принуди луѓето да заминат од Харков и од регионот.
![Зеленски: Русија се обидува да ги протера луѓето од Харков и од регионот](https://new.mia.mk/index.php/images/20240409190856_big_730x400_71.webp )
Киев, 9 април 2024 (МИА) - Украинскиот претседател Володимир Зеленски, обраќајќи им се на Украинците, истакна дека Руската Федерација преку напади се обидува да ги принуди луѓето да заминат од Харков и од регионот.
Тој рече дека за време на неговата турнеја низ регионот Харков, се информирал за изградбата на утврдувањата.
- Многу е важно да се зајакне оваа насока, руските терористи мора да видат дека регионот Харков станува посилен, рече Зеленски.
Тој додаде дека одржал состанок со сите одговорни за заштита на регионот и враќање на нормалниот живот по руските напади. ссм/
фото: архива