Драмски театар со „Се викам Горан Стефановски“ на „Стеријино позорје“ во Нови Сад
- Драмски театар Скопје со претставата „Се викам Горан Стефановски“ во режија на Бранислав Миќуновиќ ќе гостува на 67-то „Стеријино позорје“ во Нови Сад. Гостувањето е во рамките на меѓународн
![Драмски театар со „Се викам Горан Стефановски“ на „Стеријино позорје“ во Нови Сад](https://new.mia.mk/index.php/images/20221113143346_big_730x400_89.webp )
Скопје, 27 мај 2022 (МИА) - Драмски театар Скопје со претставата „Се викам Горан Стефановски“ во режија на Бранислав Миќуновиќ ќе гостува на 67-то „Стеријино позорје“ во Нови Сад.
Како што информираат од Драмски театар, гостувањето е во рамките на меѓународната програма „Кругови“, а претставата ќе биде изведена во недела на 29 мај.
Драматург на претставата е Бранислава Илиќ, драмски писател и професор на Факултетот за драмски уметности во Белград.
Претставата е авторска адаптација од изборот на драми и монтажа на сцени од седум драми на Горан Стефановски напишани во период од 1987 до 2021 година („Црна дупка“, „Лонг плеј“, „Сараево“, „Казабалкан“, „Хотел Европа“, „Euroalian“ и „Одисеј“)
Сценограф на претставата е Александар Дениќ, автор на музиката Влатко Стефановски.
Улогите во претставата ги толкуваат актерите: Биљана Драгиќевиќ – Пројкоска, Јелена Жугиќ, Софија Куновска, Соња Стамболџиоска, Ана Димитрова, Мето Јовановски, Драган Спасов – Дац, Игор Ангелов, Златко Митрески, Стефан Вујисиќ, Дамјан Цветановски и Саша Димитриевска.
Прво учество на Драмски театар Скопје на „Стеријино позорје“ било во 1966 година со претставата „Богомилска балада“. ар/са/
![IMG_2127-2](/articles/images/%d0%b4%d1%80%d0%b0%d0%bc%d1%81%d0%ba%d0%b8-%d1%82%d0%b5%d0%b0%d1%82%d0/P7TQhisxW/placeholder.webp?use_watermark=0)
![IMG_2564](/articles/images/%d0%b4%d1%80%d0%b0%d0%bc%d1%81%d0%ba%d0%b8-%d1%82%d0%b5%d0%b0%d1%82%d0/c2QAMAaON/placeholder.webp?use_watermark=0)