Струмица, 26 декември 2024 (МИА) - Изложбата на слики „Херметичен простор“ од Билјана Билбилоска вечер, во 19 часот, ќе биде отворена во Центарот за култура „Антон Панов“ во Струмица.

Авторката ќе се претстави со слики изработени во периодот 2023-2024 година.

Билјана Билбилоска досега има остварено 11 самостојни изложби во државава, како и во Србија, Хрватска и Франција, а учествувала на повеќе од 50 групни изложби во Северна Македонија, Србија, Турција, Романија, Португалија, Италија, Франција и САД. 

Изложбата е финансиски поддржана од Годишниот конкурс за поддршка на проекти од национален интерес за 2024 година на Министерството за култура и туризам. мд/

Фото: Билјана Билбилоска